4th April 2025 |
Open Consultations
Tá Ráiteas Straitéiseach á dhréachtú ag an Roinn Fiontar, Turasóireachta agus Fostaíochta faoi láthair don tréimhse 2025-2028.
Tá Ráiteas Straitéiseach á dhréachtú ag an Roinn Fiontar, Turasóireachta agus Fostaíochta faoi láthair don tréimhse 2025-2028.
Léireoidh ár Ráiteas Straitéiseach nua tosaíochtaí an rialtais go dlúth mar a leagtar amach iad sa Chlár don Rialtas agus i gcreataí beartais uileghabhálacha eile amhail an Plean Gníomhaithe ar son na hAeráide agus an Plean Forbartha Náisiúnta.
Cuireann an Clár don Rialtas in iúl gur fócas príomha don rialtas é bonn fiontar na hÉireann a fhorbairt le linn na cúig bliana amach romhainn – ó thacú le gnóthaí beaga agus le gnólachtaí nuathionscanta go comhlachtaí dúchasacha a mhéadú agus ár mealltacht a fheabhsú mar shuíomh le haghaidh infheistíocht eachtrannach dhíreach. Cuireann sé béim ar iomaíochas, táirgiúlacht agus nuálaíocht a fheabhsú,chun geilleagar láidir agus seasmhach a sholáthar.
Chomh maith leis sin, léireoidh ár straitéis feidhmeanna nua na Roinne a bhaineann le turasóireacht – an earnáil fiontar dúchasach is tábhachtaí, a fhostaíonn beagnach 200,000 duine ar fud na hÉireann.
Beidh an Ráiteas Straitéiseach ina chreat maidir le hobair na roinne a sholáthar sna blianta atá amach romhainn, bunaithe ar ár luachanna, misean agus cuspóirí, i gcomhar le fís chun geilleagar athléimneach, iomaíoch, cothrom go réigiúnach a chur ar fáil lena bhfuil fiontair bhisiúla agus fostaíocht ardchaighdeáin.
Féach ar an Ráiteas Straitéiseach reatha
Tá faisnéis le níos mó eolais ar ghníomhaíochtaí gnó na roinne, mar aon lenár sainordú, ar fáil ar ár suíomh gréasáin ag enterprise.gov.ie.
Aighneachtaí
Seol do thuairimí ar an Dréacht-Ráiteas Straitéiseach chuig managementsupport@enterprise.gov.ie.
Is é an dáta deiridh chun aighneachtaí a fháil ná 5pm, an 25 Aibreán 2025.
Cosaint Sonraí agus Saoráil Faisnéise
Táimid tiomanta do dhul i dteagmháil le geallsealbhóirí ar bhealach soiléir, oscailte agus trédhearcach. Is féidir le haon duine nó eagraíocht aighneacht a dhéanamh maidir leis an gcomhairliúchán seo. Déanfaidh an roinn gach aighneacht agus aiseolas a mheas sula bhfoilseofar an leagan deiridh den Ráiteas Straitéise.
Tabhair faoi deara le do thoil go bhfuil sé beartaithe go gcuirfear gach aighneacht a gheofar ar fáil faoin Acht um Shaoráil Faisnéise 2014 (SF) agus go bhfoilseofar iad freisin ar shuíomh gréasáin na roinne tar éis fhoilsiú na straitéise.
Agus iad ag freagairt don chomhairliúchán poiblí seo, ba cheart do gach duine agus eagraíocht a chur in iúl go soiléir cá bhfuil faisnéis phearsanta, faisnéis atá íogair ó thaobh na tráchtála de nó faisnéis rúnda ina n-aighneacht nár mhaith leo a scaoileadh faoi Shaoráil Faisnéise nó a chur ar fáil go poiblí trína fhoilsiú ar shuíomh gréasáin na roinne. Tá sé tábhachtach a thabhairt faoi deara go bhfoilseofar d’ainm agus do sheoladh agus sonraí eile ar nós d’eagraíocht ionadaíoch nó aon fhaisnéis eile a chuireann tú ar fáil i d’aighneacht mura n-iarrann tú go sonrach go ndéanfaí na sonraí sin a athrú.
Ba mhaith linn d’aird a tharraingt ar Fhógra Príobháideachta um Chosaint Sonraí na roinne atá ar fáil ar ár suíomh gréasáin agus a mhíníonn conas agus cathain a bhailímid sonraí pearsanta, cén fáth a ndéanaimid amhlaidh agus conas a chaithimid leis an bhfaisnéis seo. Míníonn sé freisin do chearta maidir le bailiú do chuid faisnéise pearsanta agus conas is féidir leat do chearta a fheidhmiú faoi dhlíthe cosanta sonraí.
Topics:
Corporate