14 Aibreán 2025
D’fháiltigh an tAire Fiontar, Turasóireachta agus Fostaíochta, Peter Burke, inniu roimh sheoladh comhairliúcháin phoiblí chun tuairimí na bpáirtithe leasmhara a fháil ar fud na n-earnálacha fiontraíochta agus fostaíochta níos leithne a fháil ar ábhar phlean gníomhaíochta na hÉireann maidir le cómhargáil atá le teacht.
Ceanglaítear le Treoir ón AE maidir le Pá Íosta Leordhóthanach ar Bhallstáit ina bhfuil an ráta cómhargála níos lú ná tairseach 80% (mar atá i dtromlach na mBallstát, éire san áireamh) plean gníomhaíochta a bhunú chun cómhargáil a chur chun cinn faoi dheireadh 2025.
Agus é ag fógairt sheoladh an chomhairliúcháin, dúirt an tAire:
“Tá tiomantas i gClár an Rialtais do phlean gníomhaíochta a thabhairt chun críche maidir le cómhargáil a chur chun cinn faoi dheireadh 2025. Táim tiomanta go láidir d’oibriú i dtreo na críche seo lenár gcomhpháirtithe sóisialta.
Tá sé beartaithe go mbeidh an próiseas comhairliúcháin seo ina chuidiú chun muid athreorú maidir leis na tograí a d’fhéadfaí a chur san áireamh sa phlean gníomhaíochta. Tá súil agam go mbeidh freagairt láidir ann ó réimse leathan páirtithe leasmhara agus mholfainn do gach páirtí leasmhar dul i dteagmháil leis an gcomhairliúchán.
Is mian linn a chinntiú go bhfaigheann gach oibrí pá cothrom agus téarmaí agus coinníollacha réasúnta.
Gné thábhachtach den gheilleagar is ea córas cómhargála atá láidir agus dea-fheidhmiúil chun tacú le pá cothrom agus é a chur chun cinn, go háirithe in earnálacha lena mbaineann pá íseal. Tá ról dearfach ag comhaontuithe cómhargála freisin maidir le táirgiúlacht a mhéadú le haghaidh gnólachtaí agus cosaint comhchuibhis thionsclaíoch a chur chun cinn, rud atá ríthábhachtach dár ngeilleagar. Tá súil agam go mbeidh plean gníomhaíochta na hÉireann ríthábhachtach chun cómhargáil a chur chun cinn agus chun rátaí cómhargála na hÉireann a ardú.”
Agus é ag fáiltiú roimh an gcomhairliúchán freisin, dúirt an tAire Stáit le freagracht as Gnóthais Bheaga agus Miondíol, Alan Dillon:
“Aithním go hiomlán an tábhacht a bhaineann le comhairliúchán agus ba mhaith liom an próiseas a bhaineann le plean gníomhaíochta a thabhairt chun críche maidir le Cómhargáil a chur chun cinn a dhéanamh chomh hoscailte agus chomh trédhearcach agus is féidir trí ligean do dhaoine den phobal agus do pháirtithe leasmhara a bheith rannpháirteach.
Tá súil againn, nuair a fhoilseofar plean gníomhaíochta na hÉireann, go gcuirfidh sé Cómhargáil chun cinn agus go méadóidh sé rátaí Cómhargála na hÉireann.”
Is féidir mionsonraí iomlána an chomhairliúcháin phoiblí a fháil anseo: Comhairliúchán ar Phlean Gníomhaíochta na hÉireann maidir le Cómhargáil a Chur Chun Cinn - RFTF
Tá an comhairliúchán ar oscailt ar líne inniu, an 14 Aibreán 2025 ar feadh ceithre seachtaine go dtí 5pm Dé Luain, an 12 Bealtaine 2025.
CRÍOCH