1 Iúil 2024
D’fhógair Dara Calleary TD, an tAire um Chur Chun Cinn naTrádála, Cúrsaí Digiteacha agus Rialú Cuideachtaí babhta nua d’iarratais ar fhionraí taraife/scéim chuóta an AE inniu Dé Luain, 1 Iúil 2024, agus tá sé ag éileamh iarratais ó mhonaróirí sna hearnálacha tionsclaíochta, talmhaíochta agus earnálacha gaolmhara.
Tugann an scéim um fhionraí taraife an deis do chuideachtaí den sórt sin amhábhair, comhpháirteanna nó táirgí idirmheánacha a allmhairiú ó lasmuigh den Aontas Eorpach saor ó dhleacht taraife, mura féidir an earra a fhoinsiú san AE/an Tuirc.
Tá an scéim taraif-chuóta ceaptha chun aghaidh a thabhairt ar ghanntanas in infhaighteacht na n-ábhar bunriachtanach laistigh den AE agus is féidir cur isteach air ar an mbealach céanna le fionraíochtaí.
Is é seo an ghlao dheireadh I mbliana; beidh an chéad cheann eile ar an 1 Eanáir 2025.
Agus é ag fáiltiú roimh an nglao nua, dúirt an tAire Calleary:
“Is bealach an-éifeachtach iad na fionraí taraife agus na scéimeanna cuóta do mhonaróirí Éireannacha chun buntáiste iomaíoch a bhaint amach trí laghdú a dhéanamh ar an gcostas a bhaineann le comhpháirteanna nach bhfuil ar fáil san AE a fhoinsiú. Mholfainn do mhonaróirí Éireannacha uile leas a bhaint as na scéimeanna seo.”
Is é an spriocdháta le haghaidh iarratas ná 5.30pm Dé Céadaoin, 31 Iúil 2024. Ba cheart iarratais a sheoladh chuig tariffschemes@enterprise.gov.ie agus iad a chur sa phost chuig an Roinn Fiontar, Trádála agus Fostaíochta, 23 Sráid Chill Dara, D02 TD30. Tabhair faoi deara le do thoil nach nglacfar le hiarratais dhéanacha nó neamhiomlána.
Tiocfaidh fionraí na ndleachta ar na hiarratais sin, má éiríonn leo, i bhfeidhm ón 1 Iúil 2025.
Nótaí do Eagarthóirí
Tugann an scéim fionraí taraife/cuóta an deis do chuideachtaí amhábhair, comhpháirteanna nó táirgí idirmheánacha a allmhairiú ó lasmuigh den Aontas Eorpach saor ó dhleacht taraife.
Ní mór do chuideachtaí, agus iarratas á dhéanamh acu ar fhionraí taraife, a bheith in ann na coinnióllacha seo a leanas a léiriú i gcás gach mír dá bhfuil fionraí dleachta á lorg acu:
- Go bhfuil sé beartaithe acu a thuilleadh próiseála a dhéanamh
- Nach bhfuil an earra ar fáil laistigh den AE
- Go ngineann an t-earra coigilteas dleachta de €15,000 ar a laghad in aghaidh na bliana (mura féidir le cuideachta iarrthach an t-íosteorainn sin a bhaint amach ina haonar, is féidir dul i gcomhar le cuideachta amháin eile nó níos mó chun é sin a dhéanamh)
Is féidir tuilleadh eolais faoin bhfionraí taraife nó faoin scéim chuóta a fháil anseo:
EU Tariff Suspension and Quota Scheme