When:
30th April - 30th April 2025
Where:
Seimineár Gréasáin
Seimineár Gréasáin ar Ghnó Freagrach – 11am, 30 Aibreán 2025.
Is í aidhm an tseimineáir ghréasáin seo ná treoir a thabhairt do ghnólachtaí maidir le feidhmiú ar bhealach níos inbhuanaithe agus teacht le hionchais maidir le cleachtais fhreagracha ghnó atá ag fás. Sa lá atá inniu ann, táthar ag súil go rachaidh gnólachtaí níos faide ná rath airgeadais amháin; ní mór dóibh freisin cur leis an tsochaí agus an comhshaol ar bhealach dearfach.
Topaicí
- Treoirlínte ECFE d’Fhiontair Ilnáisiúnta maidir le hIompar Gnó Freagrach
- Treoir AE maidir le Tomhaltóirí a Chumhachtú le haghaidh an Aistrithe Ghlais – ag díriú ar na gníomhaíochtaí a bheidh le déanamh ag gnólachtaí
- Tacaí Forbartha Fhiontraíocht Éireann do Chumas Inbhuanaitheachta
Ag an imeacht seo a bheidh ar líne, beidh cuir i láthair á léiriú ag oifigigh ón Roinn agus ó Fhiontraíocht Éireann, a dhéanfaidh iniúchadh ar na príomhionchais atá leagtha amach i dTreoirlínte ECFE d’Fhiontair Ilnáisiúnta maidir le hIompar Gnó Freagrach, a dhíríonn ar an mbealach gur féidir le gnólachtaí ailíniú leis na caighdeáin sin. Tabharfaidh an seisiún seo aird freisin ar Threoir AE maidir le Tomhaltóirí a Chumhachtú le haghaidh an Aistrithe Ghlais, agus béim á leagan ar na gníomhaíochtaí a bheidh le déanamh ag gnólachtaí sa réimse athraitheach seo. Ar deireadh, beidh cur i láthair mar chuid den seimineár gréasáin seo ó Fhiontraíocht Éireann maidir lena Tacaí Forbartha do Chumas Inbhuanaitheachta, a ceapadh chun cabhair a thabhairt do chuideachtaí a n-aistear inbhuanaitheachta a chur chun cinn trí fheabhas a chur ar scileanna inbhuanaitheachta a lucht saothair.
Cuirfear eolas ar fáil faoi Cheardlanna Spreagtha na hInbhuanaitheachta de chuid Fhiontraíocht Éireann atá ar líne, a chuireann tábhacht na hinbhuanaitheachta agus ESG faoi bhráid na gceannairí gnó agus a thugann na scileanna praiticiúla agus gníomhaíochtaí inláimhsithe dóibh atá riachtanach chun na prionsabail sin a chur san áireamh ina bplean gnó. Cuirfear eolas ar fáil freisin faoi Chlár Cheannairí na hInbhuanaitheachta de chuid Fhiontraíocht Éireann agus Skillnet agus faoin tSraith Sheimineár Ghréasáin ar Fhiontraíocht Inbhuanaithe.
Cláraithe: Tionscnaimh maidir le Gnó Freagrach – Inbhuanaitheacht
Back to Department Events